ગાંધીનગર કલેક્ટર મેહુલ કે. દવેના આદેશથી ખનીજના ગેરકાયદેસર વહન સામે તવાઈ બોલાવવામાં આવી છે. છેલ્લા ત્રણ દિવસમાં ભૂસ્તર વિજ્ઞાન અને ખનિજ ખાતાની ટીમે નારદીપુર (કલોલ)થી ડમ્પર GJ-36-T-8300, પેથાપુર ચોકડીથી ડમ્પર GJ-18-BV-9475, ઘ-૦થી ડમ્પર GJ-02-ZZ-6757, ફતેહપુરા ચોકડીથી ડમ્પર GJ-01-FT-9016, શાહપુર બ્રીજથી ટ્રેક્ટર GJ-18-EB-2446 અને
ટ્રેક્ટર MBNAAAEALNJ001713, લેકાવાળાથી ડમ્પર GJ-27-TF-9096 અને પીપળજ ચેકપોસ્ટથી ડમ્પર DD-02-E-9911 તથા ડમ્પર GJ-18-BV-5049 સહિત કુલ 9 વાહનો જપ્ત કર્યા છે. આ વાહનો સાદી રેતી અને ગ્રેવલનું ગેરકાયદેસર વહન કરી રહ્યા હતા અને જપ્ત કરેલા મુદ્દામાલની કિંમત અંદાજે 3.10 કરોડ રૂપિયા છે. વાહનમાલિકો વિરુદ્ધ કાયદેસરની કાર્યવાહી હાથ ધરવામાં આવી છે.
