જામનગરના ધ્રોલ તાલુકાના સુમરા ગામમાં એક દુઃખદ ઘટના બની. અહીં એક માતાએ પોતાના ચાર નાના બાળકો સાથે ગામના કૂવામાં પડીને આપઘાત કરી લીધો. આ ઘટનાની જાણ થતાં ગામ લોકો અને ફાયર બ્રિગેડની ટીમે પાંચેયના મૃતદેહ કૂવામાંથી બહાર કાઢ્યા. પોલીસ પણ તરત જ ઘટના સ્થળે પહોંચી અને મૃતદેહોને પોસ્ટમોર્ટમ માટે મોકલ્યા. મૃતકોમાં ભાનુબેન (ઉંમર 32) અને તેમના બાળકો આયુષ (10), આનંદી (4), અંજુ (8) અને ઋત્વિક (3)નો સમાવેશ થાય છે. માતાએ આ પગલું શા માટે ભર્યું તે હજુ સુધી જાણી શકાયું નથી અને પોલીસ આ અંગે વધુ તપાસ કરી રહી છે. આ બનાવથી ગામમાં ભારે શોકની લાગણી ફેલાઈ ગઈ છે.
