માણસા તાલુકાના ઈટાદરા ગામે પટેલ એમ. એમ. હાઈસ્કૂલમાં શિક્ષક તરીકે ફરજ બજાવતા રાકેશકુમાર પટેલે પોતાના દિકરાનો જન્મદિવસ અનોખી રીતે ઉજવ્યો હતો. ભવ્ય રાકેશકુમાર પટેલ હાલ માણસા ખાતે ડીડી પટેલ સ્કૂલમાં અભ્યાસ કરી રહ્યો છે. શુક્રવારે ભવ્યએ પોતાના 11મા જન્મદિવસે પોતાની શાળામાં જ 11 છોડ વાવીને વૃક્ષારોપણ કર્યું હતું. એટલું જ નહિ વૃક્ષોનું જતન થાય તેની પણ જવાબદારી સોંપાઈ હતી. પર્યાવરણ જાગૃતિનું પ્રેરણાદાયી કાર્ય કરવા બદલ શાળાના શિક્ષકગણ તથા આચાર્ય દિનેશભાઈ પટેલે અભિનંદન પાઠવ્યા હતા.
