મોડાસા: આંતરરાષ્ટ્રીય સહકારિતા વર્ષ ૨૦૨૫ નિમિત્તે, પર્યાવરણ સંરક્ષણ માટે એક પ્રશંસનીય પહેલ કરવામાં આવી છે. ધી સર્વોદય સહકારી બેન્ક લિ., મોડાસા દ્વારા વર્તમાન સમયમાં વધતા જતા ટ્રાફિક, પ્રદૂષણ અને ગ્લોબલ વોર્મિંગના પડકારોને ધ્યાનમાં રાખીને વૃક્ષારોપણ કાર્યક્રમનું આયોજન કરાયું હતું. બેન્કના ચેરમેનશ્રી ઈક્બાલહુસેન જી. ઇપ્રોલીયા અને બોર્ડ ઓફ ડિરેક્ટર્સ દ્વારા વૃક્ષારોપણ કરવામાં આવ્યું હતું. આ યુનિક (unique) પહેલના ભાગરૂપે, બેન્કે પોતાના ગ્રાહકો અને સભાસદો માટે વૃક્ષોના રોપાનું નિઃશુલ્ક વિતરણ કરીને પર્યાવરણીય જાગૃતિ (environmental awareness) લાવવાનો પ્રયાસ કર્યો છે. આ પ્રયાસ દ્વારા, બેન્કે ન માત્ર આંતરરાષ્ટ્રીય સહકારિતા વર્ષની ઉજવણી કરી છે, પરંતુ ભવિષ્યની પેઢીઓ માટે સ્વચ્છ અને હરિયાળું વાતાવરણ પૂરું પાડવાની દિશામાં પણ પોતાનું કોન્ટ્રીબ્યુશન (contribution) આપ્યું છે. આ કાર્યક્રમ બેન્કની સોશિયલ રિસ્પોન્સિબિલિટી (social responsibility) દર્શાવે છે.
અહેવાલ: યોગેશ શાહ (મોડાસા)
