ગુજરાત કોંગ્રેસમાં જિલ્લા પ્રમુખોની નિમણૂક માટે તૈયારીઓ શરૂ થઈ ગઈ છે. ઓલ ઈન્ડિયા કોંગ્રેસ કમિટી (AICC)એ ગુજરાતના 33 જિલ્લા પ્રમુખોની પસંદગી માટે 43 ઓબ્ઝર્વરની નિમણૂક કરી છે. આ નિમણૂકો પ્રદેશ કોંગ્રેસ સમિતિ સાથે સંકલનમાં કરવામાં આવી છે. દરેક જિલ્લામાં ચાર પ્રદેશ ઓબ્ઝર્વર અને એક AICC ઓબ્ઝર્વરનું જૂથ જિલ્લા પ્રમુખની પસંદગી કરશે. આ પ્રક્રિયાને સુવ્યવસ્થિત કરવા માટે 15 એપ્રિલે મોડાસામાં એક વિશેષ બેઠક યોજાશે, જેમાં રાહુલ ગાંધી પણ હાજર રહે તેવી શક્યતા છે. આ બેઠકમાં જિલ્લા પ્રમુખોની પસંદગી માટેના માપદંડો અને પ્રક્રિયા પર ચર્ચા કરવામાં આવશે.
