અમેરિકા અને ચીન વચ્ચે ટેરિફ વોર વધુ તીવ્ર બન્યું છે. રાષ્ટ્રપતિ ટ્રમ્પે ચીની આયાતો પર વધુ 50 ટકા ટેરિફ લાદવાની જાહેરાત કરી છે, જે 9 એપ્રિલથી લાગુ થશે. આ સાથે ચીની વસ્તુઓ પર કુલ ટેરિફ 104 ટકા થઈ જશે. ટ્રમ્પે ચીનને ટેરિફ પાછો ખેંચવા ચેતવણી આપી હતી, પરંતુ ચીને અંત સુધી લડવાની પ્રતિજ્ઞા લીધી છે. ચીને અમેરિકાના આ પગલાંને બ્લેકમેલ ગણાવ્યું છે. આ ટેરિફ યુદ્ધથી વૈશ્વિક બજારોમાં અસ્થિરતા વધવાની શક્યતા છે.
