અમદાવાદ મહાનગર પાલિકાના સોલિડ વેસ્ટ મેનેજમેન્ટ વિભાગે તાજેતરમાં ઉત્તર પશ્ચિમ ઝોનમાં સઘન તપાસ હાથ ધરી હતી. 26 અને 27 માર્ચના રોજ હાથ ધરાયેલી આ કાર્યવાહીમાં 140 એકમોની તપાસ કરવામાં આવી હતી. જેમાં ગંદકી ફેલાવતા 77 એકમોને નોટિસ ફટકારવામાં આવી છે. વિભાગે આ એકમો પાસેથી 2.4 કિલોગ્રામ પ્રતિબંધિત પ્લાસ્ટિકનો જથ્થો જપ્ત કર્યો છે અને કુલ રૂપિયા 57 હજારનો દંડ વસૂલ કર્યો છે. AMC દ્વારા શહેરને સ્વચ્છ રાખવાના પ્રયાસોના ભાગરૂપે આ કાર્યવાહી કરવામાં આવી હતી. ભવિષ્યમાં પણ આવી તપાસ ચાલુ રહેશે તેમ વિભાગે જણાવ્યું છે.
