માણસા આનંદી માઁના વડલે માનદ્ મેનેજીંગ ટ્રસ્ટી સેવાનુરાગી દિનેશભાઈ વ્યાસની પ્રેરણા અને દાતાઓના સહયોગથી જન શિક્ષણ સેવા સંસ્થા દ્વારા સિવણ વર્ગ શરૂ કરવામાં આવ્યો છે. જે સિવણ વર્ગનો ધારાસભ્ય જે એસ પટેલના હસ્તે શુભારંભ કરવામાં આવ્યો હતો. તાલીમ લેનાર બહેનોને આત્મ નિર્ભર બની સ્વરોજગાર પ્રાપ્ત કરી ને કુટુંબ ને મદદરૂપ બની શકે તેવી શુભકામનાઓ પાઠવી ને પ્રોત્સાહિત કરી હતી. આ પ્રસંગે ધારાસભ્ય સહિત મહાનુભાવોએ સરકાર દ્વારા અમલમાં મૂકવામાં આવેલ મહિલાલક્ષી યોજનાઓની પણ માહિતી આપી હતી.
આ કાર્યક્રમમાં તાલુકા પંચાયત પ્રમુખ પ્રિયંકાબેન પટેલ, સેવાનુરાગી દિનેશભાઈ વ્યાસ, જન શિક્ષણ સેવા સંસ્થા ના ડાયરેક્ટર દિનાબેન ચોકસી, મહામંત્રી મોતીલાલ પુરોહિત, મારુતિ પબ્લિક ચેરિટેબલ ટ્રસ્ટ ના પ્રમુખ બાબુભાઈ પટેલે સહિત મોટી સંખ્યામાં મહિલાઓ હાજર રહી હતી.
