ભારત અને પાકિસ્તાન વચ્ચે વધતા જતા તણાવને જોતા, અમેરિકામાં પાકિસ્તાનના રાજદૂત રિઝવાન સઈદ શેખે રાષ્ટ્રપતિ ડોનાલ્ડ ટ્રમ્પને દરમિયાનગીરી કરવા વિનંતી કરી છે. તેમણે કહ્યું કે જેમ ટ્રમ્પ યુરોપ અને મધ્ય પૂર્વમાં શાંતિ માટે પ્રયત્નશીલ છે, તેમ દક્ષિણ એશિયામાં શાંતિ સ્થાપિત કરવા પણ તેમણે મદદ કરવી જોઈએ. શેખે કાશ્મીરને બંને દેશો વચ્ચેના સંઘર્ષનું મૂળ ગણાવ્યું હતું અને તેના કાયમી ઉકેલ પર ભાર મૂક્યો હતો. તેમણે પહલગામ હુમલામાં પાકિસ્તાનની સંડોવણીને નકારી હતી. સિંધુ જળ સંધિ પર બોલતા તેમણે પાણી રોકવાના કોઈપણ પ્રયાસને યુદ્ધની ઘોષણા સમાન ગણાવ્યો હતો. વોશિંગ્ટનમાં ભારતીય દૂતાવાસે પાકિસ્તાની રાજદૂતના નિવેદનને તથ્યો છુપાવવાનો પ્રયાસ ગણાવ્યો છે.
