દહેગામ તાલુકાની અહમદપુર પ્રાથમિક શાળામાં આજરોજ ધોરણ-૮ના વિદ્યાર્થીઓ માટે વિદાય સમારંભનું આયોજન કરવામાં આવ્યું હતું. શાળાના પટાંગણમાં યોજાયેલા આ કાર્યક્રમમાં શાળાના તમામ વિદ્યાર્થીઓ અને શિક્ષકોએ ઉત્સાહભેર ભાગ લીધો હતો. કાર્યક્રમની શરૂઆતમાં શાળાના આચાર્યએ વિદાય લેતા વિદ્યાર્થીઓને તેમના આગામી જીવન માટે શુભેચ્છાઓ પાઠવી હતી. ત્યારબાદ અન્ય શિક્ષકોએ પણ વિદ્યાર્થીઓને માર્ગદર્શન આપ્યું હતું અને તેમના ઉજ્જવળ ભવિષ્યની કામના કરી હતી.
વિદાય લઈ રહેલા વિદ્યાર્થીઓએ શાળામાં વિતાવેલા વર્ષોના પોતાના સંસ્મરણો અને અનુભવો સહુની સાથે વહેંચ્યા હતા, જેણે વાતાવરણને ભાવુક બનાવી દીધું હતું. શાળા પરિવાર તરફથી દરેક વિદાય લેતા વિદ્યાર્થીને સ્મૃતિરૂપે ભેટ આપવામાં આવી હતી. કાર્યક્રમના અંતે તમામ ઉપસ્થિતોએ સાથે મળીને તિથિભોજનનો સ્વાદ માણ્યો હતો. આ વિદાય સમારંભ એક યાદગાર પ્રસંગ બની રહ્યો, જેમાં વિદ્યાર્થીઓએ હર્ષ અને વિદાયની મિશ્ર લાગણીઓ સાથે શાળામાંથી વિદાય લીધી.
