રાજ્ય સરકારના જાહેરનામા બાદ મ્યુનિસિપલ હેલ્થ કમિટીએ જન્મ અને મરણની નોંધણીના દરોમાં ધરખમ વધારો કર્યો છે. હવે નોંધણી માટે ૨ રૂપિયાની જગ્યાએ ૨૦ રૂપિયા ચૂકવવા પડશે. ૩૦ દિવસથી ૧ વર્ષ સુધીના વિલંબ માટેનો ચાર્જ ૫ રૂપિયાથી વધીને ૫૦ રૂપિયા થયો છે. ગુજરાત બર્થ એન્ડ ડેથ રજીસ્ટ્રેશન એક્ટ-૨૦૧૮માં થયેલા સુધારા મુજબ, મ્યુનિસિપલ કોર્પોરેશન દ્વારા નોંધણી, રેકર્ડ ચકાસણી અને નો-રેકર્ડ સર્ટિફિકેટના દરોમાં આ વધારો મંજૂર કરાયો છે, જેમાં એકસાથે ૧૦૦૦ ટકાનો વધારો થયો છે. મ્યુનિસિપલ બોર્ડની મંજૂરી બાદ આ નવા દરો અમલમાં આવશે.
| પ્રકાર | હાલનો દર (રૂપિયા) | નવો દર (રૂપિયા) | વધારો (રૂપિયા) |
| 21 દિવસ પછી 30 દિવસમાં નોંધણી કરાવવા | 2 | 20 | 18 |
| 30 દિવસથી એક વર્ષમાં નોંધણી કરાવવા | 5 | 50 | 45 |
| 1 વર્ષ પછી | 10 | 100 | 90 |
| પહેલાં વર્ષમાં નોંધ શોધવા | 2 | 20 | 18 |
| પહેલાં વર્ષ પછી પ્રત્યેક વર્ષ માટે | 2 | 20 | 18 |
| નોંધ શોધ કર્યા પછી સર્ટિફિકેટ આપવા | 5 | 50 | 45 |
| નો-રેકર્ડ સર્ટિફિકેટ માટે | 2 | 20 | 18 |
